आर. पी. आय. मुक्ती आंदोलन समर्थकांची बैठक संपन्न.

दि. १४ ऑक्टोबर  २०१७ रोजी झालेल्या सभेत खालील बाबींवर एकमताने ठराव पास करण्यात आले.
रिपब्लिकन पक्ष एकाधिकारशाहीतून खुला करण्यासाठी टप्प्याटप्प्याने कृतीकार्यक्रम मंजूर करण्यात आला.
१. सर्वप्रथम प्रत्येक जिल्ह्यातून रिपब्लिकन प्रेमींनी जिल्हाधिका-यांना निवेदन देणे.
२. रिपब्लिकन पार्टी च्या कृतसंकल्पासाठी कार्य करणा-यांची एक सभा पुढील महिन्यात नागपूर येथे आयोजित करुन विखुरलेल्या स्थितीत वैयक्तिक व संघटना स्थापून काम करणा-यांमधून निवडक व्यक्तींची एक आंदोलन कार्यकारिणी बनविणे.
३. त्यानंतर आंदोलन सुरू करुन पक्ष जनतेसाठी खुला करुन घेणे, एल्गार पुकारुन स्वाभिमानाने सदस्यता मोहिम सुरु करण्यासाठी सर्वतोपरी उपाय योजणे.
एस. राजेंद्रन् अध्यक्ष व डॉ. राजेंद्र गवई (स्मृतिशेष रा.सु.गवई यांचे पुत्र) राष्ट्रीय सरचिटणीस असलेला सांप्रत पक्ष हाच मूळ रिपब्लिकन पक्ष (RPI) आहे, ह्याचा देशभर प्रभावी प्रचार व प्रसार दमदारपणे करुन उभ्या देशाचे लक्ष सोशल मिडीया इलेक्ट्रॉनिक, वृत्तपत्रे इत्यादिंच्या माध्यमातून वेधून घेणे या बाबींशी सर्वांनी सहमती दर्शविली.
४. रिपब्लिकन पार्टी चा कृत संकल्प राबविणा-या सर्वांमध्ये सुसंवाद, सुसूत्रता आणण्यासाठी आपसी वैमनस्य, जाहिर टीका यापुढे अवलंबिण्यात येणार नाही, याची काळजी घेणे.
सभेला रमेशजी जीवने, प्रशीक आनंद, अमित भालेराव, जयबुद्ध लोहकरे व इतरांनी संबोधित केले.
१४ ऑक्टोबर २०१७ हा दिवस नवक्रांतीदिन ठरला.
सर्वांचे अभिनंदन !
कार्याला सुरुवात करा.
नवीन इंदुरकर (सदस्य – आर. पी. आय.  मुक्ती आंदोलन)